شــبــابـــيـــك

2010-10-07T11:33:00.000-07:00

...ولما فتحت الشباك

صباح برائحة القاهرة

احتسى فنجان القهوة الدافىء

نعم...

احبه دافىء

وجهك يطالعنى من بين حبات القرفة

المنثورة بحنان على الوجه

نعم...

كان وجهك اليوم برائحة القرفة

انظر من النافذة...

أراك بين وجوه المدينة

اغمض عيناى...

فتطيعنى حينا

وتعصانى حينا

واشتاق اليك فى الحينين...

تتضارب مشاعرى

بين غضب صارخ

وحنين صارخ...

كما القاهرة...

تحوى بين ضلوعها المتناقضات

وتعيش فى وئام ظاهرى...

هى تتألم وتتحامل من أجل الاستمرار

نعم...

كان وجهك اليوم برائحة القاهرة

2010-10-02T12:41:00.000-07:00

و لما فتحت الشباك...
افتقدك عند منتصفات الأشياء

افتقدك عند منتصفات الأشياء...
خريفا وربيع...
حين لا زحمة الصيف ولا وحدة السقيع
عند الغروب...
حين لا نهار فاضح ولا ليل يدارى العيوب
وأموت افتقادا حين ينتصف العمر...
فهل تدرى كم بلغت من العمر؟!!!

2009-03-13T04:22:00.001-07:00

...و لما فتحت الشباك
اللّى بنّى حلوانّى

اللّى بنّى كان حلوانّى
بس خلفته جات شكل تانّى
...قتلته
...و شوّهت المعانى
..و ضعنا احنا

ما بين ضحية و جانّى

2008-12-13T06:51:00.000-08:00

...و لما فتحت الشباك
انام وّلا لاانام

امبارح الصبحية
!!..او يمكن المغربية

ماهو الضوء غريب حواليا
مش عارفة جاى ولا قايم
مش عارفة صريح ولا خاين
***

...المهم
انا عايزة انام
جوايا احساس بالامان
و الراحة و الانسجام

...ما يهمنيش برايا ايه

...دا يمكن مايخلنيش انام

***

دا برايا الاحلام كتيرة

...بس متشبكة
...برايا الخطوط مستقيمة
...بس الاحداث مدربكة
ووشوش جامدة
باينة من بين البيوت
بيوت تايه وسط شوارع
الزحمة فيها زحمة
بس من غير صوت
***

و انا لسا عايزة انام
جوايا الاحساس بالامان

و برايا؟

برايا....طلع الاذان
صوته عالى وسط البيوت
صوت يخلى للضلمة صوت
مش كل ضلمة معناها سكوت
وساعات فى عز الظلمة

الامان بيعرف يفوت
***

...و بعد الاذان
فى اللّى قام
و فى اللّى فضل نايم
و فى اللّى من سنين

قايم و مش قايم

و سؤالى اللى مش نافع

... يفضل اكتر من كدة نايم

!انا مين فى دول؟

...برايا يقول

ممكن تبقى كل دول

او واحد فى دول

بس اخرجى و اختارى

...و جايز تبقى ست كل دول

...و جوايا يصرخ

...خليكى معايا

انا جواك الامان

معايا حتنامى و تأمنى

و أمانى يغنيكى عن كل دول

***

فكرت انا شوية فى الكلام

فكرت كمان فى الناس و الملام

وقبل ما قرر انام ولاّ لا انام
...جه المغرب

***
...و فى المغرب

كل شىء َبَدى
علّى و رَضَى
برضه بيُغرب
و برج الحمام
فاضى فى نهار الايام
و بيتملى ساعة المغرب
و يفضى تانى الفجر
***

احنا بقينا الفجر ؟!
و انا كنت فاكراها المغربية
و جريت ادور على الامساكية
عشان الحق التراويح
الظاهر فاتتنى دى كمان
ما هوالضوء غريب حواليا
ضوء مش شايفاه غير عنيا

...ضوء جوايا

... مغطى على برايا و حواليا
***

...و اليوم بيجرى

...وانا بنده استنى شوية

يبص لى ويضحك

...ضحكة مش غريبة عليا

و يقولى انا ماستنكيش

انتى اللّى تجرى ورايا

...و يا تلحقينى يا ماتلحقنيش

***

...و انا خايفة
خايفة اشيل ايديا
و اختار اللّى برايا و حواليا
دا يمكن اللى جوايا احلى
و آمن و اوفى
...مش عارفة

***

و بعد كل ده كلام

يفضل برضه استفهام

...جوايا ولا برايا

...انام ولاّ لانام

2008-11-16T05:05:00.000-08:00

...و لما فتحت الشباك
سنّة الحياة

...طيارة ورق

زقة مع حبة ريح طارت

...زى وليد اتولد

بصرخة أم الحياة صارت

...الاولى عليْت فوق

زقها الريح وقعت

...و من تانى ماطارت

...و التانى بداها بصرخة
نفسه يفهم ليه الحياة صارت

...و ليه تنتهى بصرخة وليده

على سُنّه حياة

...لابد اما صارت

2008-11-08T16:57:00.000-08:00

...و لما فتحت الشباك
موتْ

...ْمات
...ْالته عليها سكون
... ماتْ
...أصل الحرف متحرك
... و بالسكون
... الصمت يكونْ
...حتى السكونْ
ساكن فى اخره النونْ
و أكونْ و تكونْ و نكونْ
...تتغير الحروف
...وفى الاخر بتيجى النونْ
...و ايه انا و انت نكون
...حروف ماريونيت
... على مسرح الكون
...الأصل فينا الحركة
...و بننتهى بحركة سكون

2008-10-19T04:38:00.000-07:00

... و لما فتحت الشباك

فى المولد
..تشترى يا هانم
...تشترى يا بيه
صندوقى صغير
!!!انما ايه
ربطاه فى رقبتى
...و ماشية بيه
...فى مولد سيدنا اسمه ايه
و ببيع كل حاجة بربع جنيه
...كله كله بربع جنيه

...يا بلاش يا بيه

***

...أول حاجة

...ضحكة عيلة صغيرة

...مش فاهمة حاجة

...رايحة الصبح مدرستها

و ضفيرة ممدودة على مريلتها

...تنط مع كل خطوة

...مشياها فى سكتها

....و كل فكرتها

حتلعب ايه انهاردة مع صحبتها

...و هى دى كل فرحتها

***

...تانى حاجة

...شوق بنت كبيرة

...لمليون و ألف حاجة

...شوق لبكرة و اللى بعده

...شوق لعمر يوّفى وعده

شوق يحقق دعوة امها

...يجعلك الهنا و يديكى سعده

...و يفرحك

...فى كل بكره و كل بعده

***

...أما بقى اللى بعده

...ازازة ريحة

ريحة سنين عدت

...بسرعة مش مريحة

...ريحة أمل و خيبة أمل

...ريحة فرح و وجع

...و كلام بتاعة الودع

...اللى فات عدى

... و اللى جاى

...حاجات مش صريحة

بس الازازة تنفع على التسريحة

***

...ثالث حاجة

...قهوة سكر زيادة

...أصل رغم كل حاجة

...ست البنات

...مش عارفة تشربها سادة

... أصلها مرّة أوى

...لازم لها سكر كتيييير قوى

...عشان يحليها و مايخلهاش سادة

***

...و أقولك على اخر حاجة

...السكر مش للبيع يا بيه

...حتى لو حتدينى فى جنيه

...ده مش للبيع

...و ماتقوليش ليه

...عشان ماعرفش ليه

***

...و نقول تانى

...تشترى يا هانم تشترى يا بيه

...ماشية فى مولد سيدنا اسمه ايه

...و ببيع كله بربع جنيه

... يا بلاش قوى

...يا سيدنا يا اسمك ايه

2008-10-13T00:55:00.000-07:00

...ولما فتحت الشباك
...و بتفرق
... و يدور الزمن بينا
... نجرى ورا خطاوينا
... و نتوه مننا فينا
... و نقول مش فارقة
... و بتفرق
...دايرة و بتدور علينا
...تغير احلى ما فينا
...و تتبدل معانينا
...تصير مهمومة و حزينة
...و ماتعرفناش أسامينا
... و نقول مش فارقة

... و بتفرق
...و ييجى القطر و يعدى
...مايستنى لحد مانعدى
...و نقول التانى هيعدى
...و اتارى الدنيا مابتدى
...غير عمر واحد
...هو اللى هيعدى
... و نقول مش فارقة

... و بتفرق
...الحزن من الفرح يفرق
...و الضىّ فى العين بيفرق
...و أيام برنّة الضحكة
...حتتعاش أحلى و حتفرق
...و الأمانى الحلوة لو اتلاقت
...حتضمنا
...تحلى دنيتنا و تفرق

...مين بس قال مش بتفرق

2008-10-06T03:56:00.000-07:00

...و لما فتحت الشباك
شايف حاله
...و من زمان قالوا
!!الفرح دا ماله
... أصيل و كريم
... بس مغرور
.....و شايف حاله
ميروحش غير للّى عايزه
..و اللى يخطر على باله
...قلت انا و ماله
(حفضل برضه شايلاله (شايلة له
....اللى مايخطر على باله
...شال بخيوط الأمل
.... مغزول علشانه
و طرحة من ضحكة النهار
...متشالة لزمانه
...و خلخال متحنّى
...بشوق كل نقطة من دمى
...و ضىّ كل فرحة
...جوايا علشانه
...كل ده و ماجيش على باله
...خليه عليا يتقل
(قد مايحلاله ( يحلى له
...و مصيرى برضه

...( فى يوم أحلاله ( أحلى له

2008-10-06T03:45:00.000-07:00

... و لما فتحت الشباك
فرح
...زفة و فرح و دوّشة
زغاريد و ضحك و روّشة
...الرؤيا كانت واضحة
و الصور بدموع الفرح بايّشة
....من قلبى فرحانة
و بدعى بمشاعر جايّشة
....يارب اسعده و هنّيه

... و خلينى لدموعى حايّشة

2008-09-28T08:06:00.001-07:00

... و لما فتحت الشباك
حاجات
....يا عم يا بيّاع
... يا راجل يا طيّب
مالقاش عندك حبة بتاع
...من الصنف القرّيب
... حبة حظ و حاجات
... بخت و نصيب و حبشتكنات
... عارف أنت الحاجات
... اللى يقولوا عليها
...يااااااه ... أصل ماكنش فيه حاجات
... الحاجات دى
.... اللى بتاخد أحلى الحاجات
....ألاقيها عندك
... و لا خلصت و مش جاية قريّب
...دورت أنا كتير
... و قالولى الصبر طّيب
... و أنا قلت طيّب
... و الله طيّب
... بس المرة دى مش عارفة
... نفسى ألاقيها قريّب
قلت ايه... عندك؟

...ولا راحت و هتغيّب

2008-09-28T07:52:00.000-07:00

... و لما فتحت الشباك

...مش قلتلك
...مش قلتلك
الدنيا بتدى بس بترجع تقتلك
و ترجع تدى تانى
و تعيش و تبنى فى أمانى
و تاخد الدنيا الأمانى
و برضه تانى تقتلك
***
صدقتها أنت و ما صدقتنيش
و قلتلى تعالى و متخافيش
جريت أنا و سبت دنيتى
بعد ما رضيت بيها
و رضيت بوحدتى
و ادينى جيت و جبت فرحتى
لا لقيتك انت و لا فضلتلى دنيتى
***
يارتنى ما جيت
و ياريتك أنت صدقتنى
... لما قلتلك

2008-09-28T07:49:00.000-07:00

...و لما فتحت الشباك

بكلم نفسى

و يقولى بتقولى ايه؟ا
اقوله بكلم نفسى
و بتكلمى نفسك ليه؟
!!انا حرة يا اخى
هو انت نفسى
كل حاجة متحكم فيها
...حتى نَفَسى

...ارحمنى شوية
...دا فى حاجة اسمها حرية
...كل حاجة محاسبنى عليها
...شكلى, اسمى حتى لبسى
و مش انت لوحدك على فكرة
...دى الناس كلها
نصبت نفسها وصيّة
و كلمة بنت بقت رزيّة
لازم نداريها
و نتحكم فيها
وان لزم الامر يبقى نتاويها

***
...حقولك ايه بس
روح منك لله
دعيت عليك دعوة وليٌة
غلبانة مسكينة
...ساعة مغربيّة

2008-09-27T11:20:00.000-07:00

...و لما فتحت الشباك
...ازاى و ليه

ازاى و ليه
...و لو مكنش اللى كان
كان يجرى ايه
....و لو اللى كان
...كان و خلاص
يبقى بنسأل من تانى ليه
و انا مين و أنت ايه
وسلملّى على اى حاجة يا بيه
***
...أنا ايه الى جابنى هنا
...وأنت كمان بتعمل ايه
و مين فين
...و فين ليه
احييييييييه
...هو انا لسعت
و لا الدنيا اللى بتعمل كدة ليه
***
....اقولك
مابقتش تفرق و مش مهم
بس لو دا مش مهم
...يبقى ايه المهم
و مين يقول المهم و اللأهم
...و فين انا من ده كله
و ليه محدش بيعمل اللى عايزه كله
...ليه الدنيا بتنقيلنا
اللى بتقول انه مكتوب على جبينا
و جبينا ده تعب الى جيّبينا
و اللى جيّبينا جابونا و خلاص
جابونا و سابونا وسط الناس
و الناس بقت من غير احساس
...بأى حاجة و بكل حاجة
و لا بقى فى حاجة
....بتعمل اى حاجة
***
....أقولك
...لا مش حقولك
....اقولك انت ليه

!!هو انا اعرفك ..؟؟

مش مهم دلوقتى

...يالا بقى ماتضيعش وقتى
...أنا حقول للست
اللى قاعدة هناك فى السندرة
...يا ست دنيا
...يا حلوة يا متغندرة
مينفعش تعمللّى ديليت لفترة قصيرة
...و الله قصيرة
...اخد راحة بس
...يعنى بريك
ده زرار بسيط
حتلاقيه جنبك على الحيط
جنب زرار النور بتاعى
اللى طفتيه زمان
ابقى طماعة لو بالمرة يعنى
...قلتلك

... اتكّى عليه مرة كمان

...برضه الشباك اللى مش عايز يتقفل

2008-03-19T13:21:00.000-07:00

أيـام

...كانت لنا أيام
ايام ما كنا و كان
..."رسالة"
..."و"حب و سلام"
و حاجات كتير
...و أمان
***
شاورمة و نسكافيه
وتشترى وردة يا بيه
و اغنيتنا زمان
"نبتدى منين الحكاية"
و تخلص الحكاية
من قبل البداية
ويفوت الاوان

***
و فى نفس المكان
اسمع الاغنية تانى
اللى سمعتها زمان
"نفسى اقابلك بعد سنين"
كنت جنبى وقتها
دلوقتى فينك منٌها
هى هنا و انت بعيد
ياريتك يوم تسمعلها
***
فاتت سنين من وقتها
مش فاكرة خالص شكلها
...فاتت وخلاص
...بمرها و بحلوها
بس حاجة ناقصة من وقتها
حاجة عمرى مابحسها
عارف ايه؟
...الامان
عارف ليه؟
...عشان روحى راحت من زمان
***
و ارجع تانى من البداية
اعيد و افكر فى الحكاية
ايه اللى حصل
و مين فينا اللى اتكسر
و بسهولة الاقى الاجابة
احنا الاتنين اتكسرنا
...و خلصت الحكاية
طلعنا بس باجسامنا
...و ذكرى لاحلى ايامنا
حتفضل احلى ما عشنا

....و احلى ما يصبرنا

.على الايام

...شباك و مش عايز يتقفل

2008-03-17T16:13:00.000-07:00

لسا فى حاجة هنا

....حاجة باقية مننا

مانستش عمرها

...ان بأدينا ضيٌعنا عمرنا

مش حتقدر تانى تضمنا

...و لا حترجع تانى لحضننا

بس مهما حاولنا نبعد عنها

...عمرها ماحتبعد هى عننا

... و لما فتحت الشباك

2007-12-19T16:22:00.000-08:00

... بصيت لفوق لقيت السما
... و على الارض واقفة رجليك
... ياللى بتقول السما عاليا

...حد قالك طولها بايديك
... باصص لتحت و تحت زحمة
... و فى الزحمة لازم تتوه عنيك
... ارفع راسك و شوف المدى
يمكن بعيد شوية عليك ...؟
... اتنفس اوى و املى صدرك هوا
..... وبراحة غمض عنيك
... شايف ايه وسط الضلمة
....أيوة .... هو اللى بيقرب عليك
.... مين قال جواك خلا
...جواك كتير و بيدور عليك
... اسمع ..... دى نفسك مش صدى
.... صدقها مش حتكدب عليك
دى الزحمة مهما زادت... فضى
.... تغيرها قوتك اللى مش شايفها بعنيك
..... ماهى زى الهوا
تقدر تشوف الهوا بعنيك...؟
... طب ليه تقول ان فى هوا
و ماتقولش ان قوتك فى ايديك
.. كلامى على فكرة مش جلا جلا
... و لا جن يقول شبيك لبيك
.... صدق انت نفسك
.... حتوصل للمدى
..... و السما هى اللى تنزل لايديك

...و لما قتحت الشباك

2007-11-27T19:18:00.000-08:00

مافيش عنوان

انا مش ناوية اخاف تانى
غيرت رايى فى ثوانى
انا حرة و ايه يهمنى
مادام الخوف مابقاش سجانى

****
حضحك بعزم مافيا
صوتى عالى و نظرتى قوية
حبص للتخين و اقوله
!!طـــــــــظ فيــــــك
مش احسن ماقول طظ فيا
****

ماحدش احسن من التانى
....انا خفت يوم
....و انت كمان
و لو قلت لا
تبقى لسه خايف وكمان جبان

عارف ليه ؟؟؟

عشان ببساطة انت انسان

****
امبارح بس حلمت بنفس المكان
اللى ياما حلمت بيه زمان
المكان مابقاش هو المكان
....اتهد
والبحر اتبنى فيه الف سد
مابقتش شايفة المدى زى زمان
حبطل احلم بده كمان
مش ححلم بحاجة تانى ؟
....طظ و لا يهمنى
مادمت لسا بقدر انام
****
و كفاية بقى كلام

و مش كاتبه كمان عنوان
زهقت...و ماله

برضه مايهمنيش
كل الحكاية انى لازم افضل اعيش
.و حعيش

...و لما فتحت الشباك

2007-10-23T12:10:00.000-07:00

خــريـــف

أيام تعقبها أيام

تمر فى المجمل أعوام

...اصفر ورق الشجر

...اصفرت الشوراع

...الوجوه

...و الأعوام

انه الخريف

....خريف اللأيام

فقد الورق انجذابه للشجر

تهاوى مع الريح

ليستقر على اللأرض

....و الجميع فى انتظار الجليد

أبيضت العيون

تلونت بلون المنتظر من جليد ؟

بلون الداخل من جليد ؟

تعددت الأسباب و اللألوان كما هى

...و لا جديد

...بياض العيون

... صفار الوجوه

. و ركود اللأيام

... و لما فتحت الشباك

2007-06-10T06:03:00.000-07:00

ضحك و حاجات

ضحك و لعب

... أحلام و حاجات
قصاقيص ورق
....من العمر اللى فات
لمتنا سوا
.... و كلام بنات

و شيشة و حكاوى

...تحلى على الكافيهات
.... حتوحشونى أوى

و حتوحشنى كل الحاجات

... و لما فتحت الشباك

2007-05-19T13:48:00.000-07:00

كل عام و انت بعيد

... و مر العام

حسبته بالثوانى

و الدقائق و الأيام

... ومرارة اللأيام

***

... و مر العام

بقايا منك لازالت هنا

...الضوء

يهدد ظلمة النسيان

و الدموع طوفان

... تجرفك و الذكرى معا

تقتلع الحب

...ثم الالام

فلا يظل الضوء كما كان

و لا غيابك أوقف الزمان

***

... و مر العام

الحزن عكس ثوابت الأيام

يولد شيخا

يتكأ على عصى النسيان

و يمضى بقطار العمر

يضيعه العنوان

فطفولة الأحزان

و اخيرا كان

محطته الاخيرة

للعودة الى العدم

الى حيث كان

***

... و مر العام

و توقف المطر

لازالت قطرات المياة

فوق اوراق الشجر

لا تنخدع

هى بقايا عاصفة

و ليست استمرارا للمطر

***

... و مر العام

... ما أطوله من عام

و فى ذكرى غيابك

اهديك وردة التيوليب

طويلة بطول العام

تحمل فى طياتها رائحة الذكرى

و عبق السلوان

منغلفة على ما بداخلها

من ماض

... و أحزان

***

... و مر العام

و غدا يبدأ العام الجديد

: فيا عزيزى

كـل عـام و انـت بـعـيـــد

...ولما فتحت الشباك

2007-05-10T07:47:00.000-07:00

رسـالة الى الـغـد

ترى ماذا تحمل لى معك ؟

...و أى شىء تهديه لى عندما نلتقى

ابحار جديد فى ظلام الحزن

أم قيد جديد تضيفه الى يدى

أمل يوأد فى قبو اليأس

ام جرح سقيم ...شره

يستنزف الباقى من دمى

...ان كان ذلك مقصدك فتقدم

فلم يبقى سوى رتوش بيضاء

سقطت سهوا من أمسى وحاضرى

ما بك...؟

ليس هذا ما تحمله لى ...؟

مازل الأمل بداخلى يداعب الأحلام

يوعدها باشراقة يوم جميل

يوعدها بدفء الشمس

.....و نسمة الربيع

أعلم أن هذا ما تحمله

و ان لم يكن فاستعره من بعد غدى

أو من عامى القادم

سأعدو الان لأصفف شعرى

و ألبس أجمل ثيابى

......و

أفتـح النـافــذة